外脆內軟輕身版芝士麻糬 ～ 成功啦！100%全木薯粉，不含糯米粉！好味道！

太愛麻糬, 也試過很多麻糬食譜, 都找不到我想要的! 看到有谷友用預拌粉成功, 確實好羨慕,但堅持繼續搵食譜繼續試!

其實也有很多谷友用糯米粉成功, 但係我不太喜歡糯米粉有點 “漏” 嘅感覺, 鐘情於輕身 + 軟綿綿 + QQ 的口感!

尋尋覓覓終於做到能讓我興奮的 homemade 麻糬啦!

還有幾個特點:

1) 快靚正! 只需約5分鐘準備功夫 + 約每15分鐘出12粒的烘焙速度, 大滿足!

2) 有谷友問放過夜, 其實這個麵糊係可以預先準備放雪櫃, 食嘅時候先焗, 好方便. 我都無放回室溫, 預熱焗爐后直

接開工! 就算焗好放過夜, 用電飯煲翻熱, 一樣好吃.

3) 有2種食法: 我最愛出爐后脆脆地 + 暖暖地即食, my favorite! 剩下來的放入盒, 外皮會邊軟, 變成第2種口感,

都唔錯架! 我D同事全部都係試食呢種麻糬, 一樣大讚!

谢谢分享! 祝成功! 🙂 歡迎任何意見, 一起研究啦! 我係呢度跟谷友學咗好多嘢! 超開心嘅 Group!

食譜:

室温雞蛋　x 1
橄欖油 x 80ml (約 1/3 杯分量, 我減了一點油用 68 gram)
Parmesan 碎 x 66g
牛奶 x 160g
木薯粉 x 170g
鹽 x 1 茶匙 (這個味比較濃適合當零食, 有一半白老鼠話正. 如果想當麵包就可以減鹽啦, 自己調教鹽的分量唔影響個成品. 我自己就喜歡唔落鹽清淡D. 也試過改落 Parmesan 芝士粉但覺得分別唔大)

Note: 我試過2種橄欖油, 意大利出的橄欖油會好食一點. 可以試下!

做法很簡單:

1) 全部材料入攪拌機攪到滑 (我都話係超方便簡單架啦, kekekek)
2) 塗小小油係12 個細 size 瑪芬模内 (防痴底), 再用 spoon “不” 落瑪芬杯. “不”之前再撈一次先. **
3) 預熱 200 度, 焗約 13 – 15 分鐘, 中途可以轉方向讓顏色均勻, 放涼一點點唔會 “鹿親” 就食得啦!

PS: 這個係初版, 同大家分享一起研究, 其實我仲買咗 Cheddar 芝士想再試口感, 也想試下改用大 size 瑪芬模比較下, 也想試下再減多D油份, 鹽份等等嘅… 哈哈! 胃食得嚟都懶係有研究咁. 🙂

** 麵糊係水狀的, 不用搓成圓球
** 要用小size 鬆餅 (瑪芬) 焗盆效果係最好的
** 如果”不”太小入個模, 出來會扁扁地, 多脆皮小軟心. 如果”不”太多, 會變 cupcake 咁嘅樣. 我通常”不”大概 70% 滿啦, 但係我未試到點樣可以出來圓碌碌啊!

哈哈：第三天吃，都OK喔！keke